Të rejat e fundit
1 September, 20201 September, 2020
FJALIMI I REKTORIT TË UNIVERSITETIT BUJQËSOR TË TIRANËS,
PROF. DR. FATBARDH SALLAKU
...Faleminderit shumë për praninë sot në këtë takim të parë të Senatit Akademik të UBT-së, ku merr udhë rrugëtimi i ekipit të ri drejtues për katër vitet e ardhëshme.
Unë së pari do të doja të shpreh falënderimet e mia të përzemërta për të gjithë kolegët dhe studentët për mbështetjen e tyre, për të më besuar drejtimin e UBT-së. Jam shumë i nderuar që do të kem mundësinë të shërbej për këtë Universitet, si një ndër Institucionet më prestigjoze të arsimit të lartë në vend. Unë besoj dhe Ju siguroj që e ardhmja do të udhëhiqet nga një marrëdhënie besimi dhe mirëkuptimi ndërmjet autoritetetit të Rektorit, strukturave drejtuese të rektoratit, Senatit akademik, Administratorit dhe Bordit të Administrimit, strukturave të zgjedhura në çdo fakultet, si dhe strukturave të ndryshme të qeverisjes qendrore dhe vendore, të cilat unë i konsideroj vendimtare për arritjen e objektivave që ne i kemi vendosur vetes.....
FJALIMIN E REKTORIT TË UNIVERSITETIT BUJQËSOR TË TIRANËS, PROF. DR. FATBARDH SALLAKU E GJENI TE PLOTE FAQEN E UBT
NEWS
1 June, 20201 June, 2020
Universiteti Bujqësor i Tiranës,
Akademia e Shkencave e Shqipërisë
Ministria e Bujqësisë dhe Zhvillimit Rural
në kuadrin e 100 vjetorit të lindjes së Akademikut Prof. Dr. Mentor Përmeti, organizojnë
KONFERENCËN
Bujqësia, një Shkence Jetësore me rrënjët në Biologjinë e Aplikuar
Agriculture a Life Science with roots in Applied Biology
Koha: 3 dhe 4 Dhjetor 2020
Vendi: Universiteti Bujqësor i Tiranës, Tiranë
Akademik Mentor PËRMETI
Mentor PËRMETI (1920–2015). Agronom, profesor, akademik. Lindi në Tiranë, ku kreu dhe gjimnazin. Mori pjesë në Luftën ANÇ. Pas çlirimit ndoqi studimet e larta dhe u diplomua në Akademinë e Shkencave Bujqësore “Georgi Dimitrov” në Sofje (1951). U emërua drejtor drejtorisë së bimëve të arave (1951–1962) e më pas zv.ministër (1962–1967) në Ministrinë e Bujqësisë; në v. 1967–1977 qe përgjegjës i katedrës së seleksionimit të bimëve dhe rektor i Institutit të Lartë Bujqësor; kryeagronom në NB në Lushnjë (1977–1982), zv.kryetar i Komitetit të Shkencës dhe Teknikës (1982–1987). Me veprimtarinë e tij kërkimore-shkencore ka dhënë ndihmesë në seleksionimin dhe përmirësimin gjenetik të grurit, duke krijuar kultivarë të rinj me prodhimtari të lartë, që vazhdojnë të kultivohen; ka studiuar vargëzimin gjithëvjetor të ushqimeve të gjelbra për gjedhin. Bashkautor i monografsë “Linjat bazë të përmirësimit gjenetik të misrit” (1987) dhe i teksteve “Seleksionimi i bimëve dhe prodhimi i farërave” (1970), “Gjenetika” (1971), si dhe i një vargu artikujsh shkencorë. Është dekoruar me Urdhrin “Mjeshtër i Madh i Punës”, ka marrë titullin “Punonjës i Shquar i Shkencës dhe i Teknikës” dhe “Çmimin e Republikës” të shkallës së dytë.
Për më shumë shkarko THIRRJEN këtu: